Безбедносните сили на Шри Ланка пронајдоа 15 тела, вклучувајќи и на шест деца, во скривница на екстремисти кои активираа бомба за време на полициска рација.

Полицијата дејствуваше по анонимна дојава дека во градот Самантураи се кријат екстремисти поврзани со нападите на две цркви и хотели во Шри Ланка, во кои загинаа над 300 лица, пренесе „АП“.

Според зборовите на полицискиот портпарол, екстремистите отвориле оган врз полицијата, по што активирале три бомби.