Најмалку пет лица загинаа во експлозија на возило среде пазар во северна Сирија.

Сириската новинска агенција „Сана“ објави дека возилото било натоварено со експлозив и експлодирало во селото Сулук, во близина на границата со Турција.

АП пренесува дека уште неколку лица се повредени.

За експлозијата се известени Сириската национална коалиција со седиште во Турција и Сириската опсерваторија за човекови права со седиште во Велика Британија, која наведува дека 20 лица се повредени.

Сулук се наоѓа под контрола на борци поддржани од Турција и е во близина на пограничниот град Тал Абџад во провинцијата Рака.