Европската агенција за безбедност во авиосообраќајот (ЕАСА) денеска ги предупреди европските авиокомпании во следниот период да го одбегнуваат иранскиот воздушен простор.

Европската агенција, која на 9 јануари издаде предупредување до европските компании да го одбегнуваат надлетувањето на иранскиот простор на височина под 25.000 стапки (7.620 метри), соопшти дека ова ново предупредување следи по признавањето на иранските власти дека случајно го собориле украинскиот патнички авион над аеродромот во Техеран, пренесоа британските медиуми.