Две лица загинаа рано утрово во пожар што избувна во четирикатна зграда во германскиот град Хамбург, објавија итните служби.

Друго лице е тешко повредено, изјави портпаролот на противпожарната служба.

Четиринаесет други станари во станбена зграда во областа Харбург беа спасени. 85 пожарникари се бореа со пожарот. Вкупно 11 возрасни и три деца побараа помош од итните служби, рече портпаролот.

Едно лице загина откако скокна од прозорец за да избега од пожарот, а друго е пронајдено починато во еден од становите. Засега не се познати причините за пожарот.