Британскиот премиер Борис Џонсон утре се враќа на работа, потврди портпаролот на Даунинг стрит.
Џонсон закрепнува од коронавирусот во неговата резиденција надвор од градот, откако помина три ноќи на интензивна нега.
Тој беше пуштен од болницата „Св. Томас“ во Лондон на 12 април, каде беше примен на 5 април, откако беше откриено дека е заразен со коронавирус.
Британскиот премиер првично имаше поблаги симптоми на болеста, но неговата состојба се влоши во болницата и тој помина три дена на интензивна нега.
