Американскиот претседател Доналд Трамп вчера имаше средба со група конгресмени во Белата куќа во врска со неговите разговор со Владимир Путин, при што за време на негово обраќање во Белата куќа на миг снема струја.

– Ова мора да беа разузнавачките служби, прокоментира Трамп откако светлата повторно се запалија.

Тој на средбата изјави дека на самитот во Хелсинки направил грешка кога рекол дека „не гледа причина зошто Русија би се мешала“ во американските избори, иако американските разузнавачки служби тврдат дека тоа се случило.

Трамп рече и дека има апсолутна доверба во американските разузнавачки служби, кои го истражуваат мешањето на Русија во американските избори во 2016 година.