Пратениците на Врховната рада го избраа Алексеј Гончарук за нов премиер на Украина. „За“ гласаа 290 пратеници, а за негов избор потребни беа 226 гласа, јавија локалните медиуми.
Триесет и петгодишниот Гончарук е адвокат, кој работи за администрацијата на украинскиот претседател Володимир Зеленски.
Претходно тој бил на чело на невладина организација што се занимавала со реформите, а работел и како советник во Министерството за екологија.
