Возач на патнички автомобил утрово со своето возило повредил седум лица во Берлин, кога без сопирање удрил во група луѓе на градски плоштад.
Според германските медиуми, возачот на автомобилот покосил група луѓе во „Харденбергплац“. Едно од лицата било прегазено и се нашло под автомобилот кога тој запрел и морало да се реанимира. Седумте лица се здобиле со полесни и делумно сериозни повреди. Возачот на автомобилот е уапсен, а мотивот зад инцидентот засега не е познат.
