Најмалку 17 лица загинаа, а еден патник преживеал по пад на товарен авион на населениот дел Џуба, веднаш по полетувањето од аеродромот во главниот град на Јужен Судан.

Очевидец наведува дека авионот, сопственост на компанијата South West Aviation, полетал од аеродромот во Џуба, но се урнал во густо населениот дел од главниот град на Јужен Судан неколку минути по полетувањето.

Преживеаниот патник на авионот е во критична состојба и бил пренесен во најблиската болница, извести Синхуа.

Властите најавуваат започнување на сеопфатна истрага за оваа трагична несреќа.