Џонсон го спореди Путин со Хитлер

152

Британскиот министер за надворешни работи Борис Џонсон денеска изјави дека претседателот на Русија, Владимир Путин го користи Светското првенство во фудбал за подобрување на имиџот на Русија.

Џонсон додаде дека се согласува со мислењето на еден пратеник дека тоа потсетува на Хитлеровото користење на Олимписките игри во 1936 година во Берлин.

– Да, мислам дека споредбата со 1936 година е апсолутно точна, изјави Џонсон пред членовите на британскиот Парламент.

На изјавата на шефот на британската дипломатија реагираше портпаролката на руското Министерство за надворешни работи Марија Захарова, која истакна дека Џонсон е „затруен со омраза и бес и оти е застрашувачки некој таков да претставува нуклеарна сила“.