Чавушоглу: Анкара не направи никакви отстапувања на самитот на НАТО

85

Турскиот министер за надворешни работи, Мевлут Чавушоглу, изјави дека Анкара не направила никакви отстапувања на неодамнешниот самит на лидерите на НАТО и дека одобрувањето на Турција за издавањето на планот на НАТО за Балтичкиот Регион зависи од признавањето на пактот за заканата од терористичката организација ЈПГ/ПКК од северна Сирија, јавува агенцијата „Анадолија“.

Тој рече и дека Турција набавила ракетни системи „земја-воздух“ – „С-4003 од Русија поради одбивањето на НАТО да им продаде слично вооружување.

– На Турција ѝ требаат противвоздушни системи. Дали се обидовме да ги купиме од нашите сојузници? Да, се обидувавме во последните 10 години. Но, не можевме да ги добиеме. Значи, тоа нема никаква врска со политика – изјави Чавушоглу.

Чавушоглу ги даде своите изјави за време на посетата на Рим, каде што моментно се наоѓа за да присуствува на петтото издание на конференцијата „Медитерански дијалози“.

Осврнувајќи се на неодамнешниот поморски договор на Турција со Либија, Чавушоглу изјави дека Анкара е отворена за билатерални и мултилатерални договори во регионот на источен Медитеран, со единствен исклучок на администрацијата на кипарските Грци, која не ја признава.

Тој ја осуди одлуката на Грција за протерувањето на либискиот претставник во врска со поморскиот договор склучен минатиот месец помеѓу Триполи и Анкара велејќи дека Атина го покажала своето лице со тој чекор.