Францускиот министер за животна средина поднесе оставка

30

Францускиот министер за животна средина Николас Ило денеска соопшти дека поднесува оставка поради недостиг на поддршка од Владата.

Тој образложи дека одлуката, која ја донел синоќа, е резултат на „насобрано разочарување“ поради неадекватните чекори во борбата против климатските промени, одбраната на биодиверзитетот и решавањето на другите закани по животната средина.

Француските медиуми коментираат дека повлекувањето на Ило, еден од најпопуларните членови на кабинетот, претставува сериозен удар за претседателот Емануел Макрон.