Фараж: Обидот на Џонсон да склучи договор со Брисел ќе биде одбиен

66

Излегувањето на Велика Британија од Европската Унија повторно ќе биде одложено бидејќи обидот на премиерот Борис Џонсон да склучи конечен договор со Брисел ќе биде одбиен, изјави лидерот на британската Партија за брегзит, Најџел Фараж.

Фараж рече дека излегувањето на Велика Британија од ЕУ на 31 октомври е доведено во прашање бидејќи политичката елита во Лондон планира да „издаде“ референдум од 2016 година, кога Велика Британија гласаше 52-48 за напуштање на ЕУ.

Според него, земјата е во најголем конфликт од граѓанската војна во 17 век и ризикува да ја уништи својата Конзервативна партија обидувајќи се повторно да го разгори неуспешниот договор за излез на неговата претходничка Тереза Меј.

– Нема да заминеме на 31 октомври, и тогаш навистина сме во неистражени води, дали парламентот ќе наметне втор референдум или ќе имаме општи избори, навистина не знам – рече Фараж во интервју за „Ројтерс“.