Убиен кандидат за пратеник во ирачкиот парламент

588

Еден кандидат за пратеник во ирачкиот парламент бил убиен од непознати напаѓачи јужно од Мосул, соопшти денеска претставник на ирачката полиција.

Непознати напаѓачи во селото ал-Зака јужно од Мосул во текот на ноќта упаднале во куќата на Фарук Зарзур ал-Џубури, кој се кандидирал за парламентот на листата на поранешниот потпретседател Ајад Алави и го избоделе, додава полицискиот извор.

За нападот одговорноста ја презеде Исламска држава, но тие објавија дека кандидатот бил застрелан.

Ирак во сабота избира нов парламентарен состав на првите избори откако минатата година е поразена Исламска држава.