Трамп: Секој напад врз нешто што е американско ќе значи уништување за Иран

253

Американскиот претседател, Доналд Трамп, денеска се закани дека ќе го нападне Иран, во знак на одмазда, во случај на било какви напади врз нешто што е американско од страна на Техеран.

Претходно, иранските власти соопштија дека новите американски санкции исклучуваат секаква можност за дипломатија и ги карактеризираа активностите на Белата куќа како „ментално ретардирани“.

– Пораката од Иран, многу неука и навредлива, која беше објавена денес, само покажува дека тие не ја разбираат реалноста. На секој напад од страна на Иран врз било што американско ќе биде возвратено со голема и супериорна моќ. Во некои области, супериорната моќ значи уништување – напиша Трамп на својот профил на Твитер.

Техеран синоќа порача дека воведувањето на нови санкции против иранските официјални претставници значи дефинитивно затворање на дипломатскиот пат меѓу Иран и САД.