Стотина приведени на протест во Москва

61

Московската полиција уапси повеќе од сто демонстранти кои одржуваа неодобрен митинг во средата вечерта за да протестираат против уставните измени донесени на националното гласање претходно овој месец, пренесува РТ.

Демонстрантите се особено против новата клаузула со која се утврдуваат ограничувањата на мандатот на претседателот – ова може потенцијално да му овозможи на Владимир Путин да се кандидира за претседател уште двапати и да остане во Кремљ до 2036 година. Сличен настан се одржа и во Санкт Петербург, вториот најголем град во Русија.

Помеѓу 200 до 300 луѓе се собраа на плоштадот „Пушкин“ во центарот на Москва во средата вечерта, според проценките на „Комерсант“.  Демонстрантите рекоа дека собирале потписи во прилог на отповикување на уставните амандмани, исгласани претходно овој месец со поддршка од 78 отсто од учесниците.

Иако собирот беше неодобрен, полицијата во почетокот не интервенираше. Полицијата дејствуваше кога најголемиот дел од демонстрантите се обидоа да го пренесат маршот кон Гарден Ринг – главната обиколницата во центарот на Москва – и да го нарушат сообраќајот таму.

Приведени се вкупно 132 лица, јави новинската агенција ТАСС, повикувајќи се на официјални податоци. Меѓу нив биле и Јулија Галјамина, добро познат градски советник во Москва. Очевидците се пожалија на бруталниот полициски однос.

Сличен неодобрен настан се одржа во исто време во центарот на Санкт Петербург. Според проценките на медиумите, собирот привлекол околу 500 демонстранти, но се покажал како помалку привлечно од оној во Москва, при што нема извештаи за апсења.

Во последниве години, јули се смета за „протестна сезона“ во Русија. И покрај гневот на опозицијата за уставните измени и начинот на спроведување на националното гласање, оваа година досега беше релативно тивка во главниот град. Ова, најверојатно, се должи на ограничувањата поврзани со ковид-19, кои го оневозможуваат организирањето на големи одобрени собири.

Наместо тоа, највидливите протести се случија во Кабаровск, каде голем дел од локалното население е бесно поради апсењето на нивниот гувернер Сергеј Фургал под обвинение за убиство.