Столтенберг: Европските планови за одбраната само во рамките на НАТО

28

Мислам дека од двете светски војни, но, исто така, од времето на Студената војна, научивме колку се важни трансатлантските односи и затоа мораме да се грижиме Европа и Северна Америка да се држат заедно, рече генералниот секретар на Aлијансата, Јенс Столтенберг.

Тој во интервју за „Дојче Веле“ изјави дека ги поздравува посилните напори во одбраната на Европската Унија, затоа што верува дека тоа ќе ги зајакне одбранбени сили на Европа и ќе отвори можност за нови инвестиции во одбраната.

– Меѓутоа, не ја поздравувам опцијата  да работиме двојна работа. Затоа европските одбранбени планови мора да се спроведуваат во рамките на НАТО, и во таа рамка, би морало да се работи на јакнење на европскиот столб во НАТО. Ако тоа се почитува, тогаш ги поздравувам таквите европски напори на полето на одбраната, истакна Столтенберг.