Смртна казна за шест лица осудени за тероризам во Египет

105

Египетскиот суд им досуди смртна казна на шест лица обвинети за терористички напади во Кердаси, во близина на познатите пирамиди во Гиза. Тие се осудени за два одвоени напади, во 2013 и 2015 година, во кои загинаа најмалку три лица, меѓу кои и полицаец.

Кривичниот суд во Гиза, за слични обвиненија, вклучувајќи и поседување оружје и експлозив, осуди уште 41 лице на доживотен затвор, од кои 28 во осудени во отсуство.

Други седуммина се осудени на 15 години затвор, еден до три години, додека 14 се ослободени. Како што пренесува АП, овие пресуди можат да се обжалат.