СЗО: Ебола се шири во Конго, потврдени се околу 50 случаи

76

Еболата се шири во Демократска Република Конго со речиси 50 регистрирани случаи, објави Светската здравствена организација (СЗО).

Откако властите ја прогласија епидемијата на 1 јуни, потврдени се 48 случаи во Конго, а за уште тројца постои сомнеж дека се заболени. Вкупно починале 20 лица, изјави експертот на СЗО, Мајк Рајан.

– Ова е многу активно жариште и јас би рекол дека имаме голема причина за загриженост – рече Рајан пред новинарите.

Тој предупреди дека иако сега бројките се мали, во ерата на ковид-19 многу е важно да не ги запоставиме другите болести што се појавуваат.