Санкциите на САД кон Русија ќе ги загрози преговорите со Северна Кореја

47

Руското Министерство за надворешни работи предупреди дека најновите санкции на САД за руска компанија, обвинета дека ги прекршила меѓународните рестрикции кон Северна Кореја, „се деструктивни и бескорисни и оти можат да загрозат разговорите за денуклеаризацијата на Корејскиот Полуостров“.

Американското Министерство за финансии во средата воведе санкции за три компании од Русија, Кина и Сингапур со образложение дека и помагале на Северна Кореја да ги избегне меѓународните санкции.

Санкции се воведени и за компанијата „Профинет Пте Лтд“ и нејзиниот генерален директор Василиј Александрович Колчанов, тврдејќи дека фирмата пружала пристанишни услуги за најмалку шест бродови кои пловеле под знамето на Северна Кореја и транспортирале нафта.

– Таквиот чекор на САД би можел да го поткопа напредокот во разговорите за севернокорејските нуклеарни и ракетни програми… САД воведоа санкции во момент кога се потребни здружени напори од меѓународната заедница, а американските санкции се деструктивни и бескорисни – се посочува во соопштението на руското Министерство за надворешни работи.