САД се закануваат со санкции кон Турција ако свештеникот Брансон не биде ослободен

81

Министерот за финансии на САД Стивен Мнучин изјави денеска дека Америка подготвува нови санкции против Турција, доколку свештеникот Ендру Брансон не биде пуштен на слобода.

Американскиот претседател Доналд Трамп рекол на состанокот на кабинетот во Белата куќа дека Турција „не се покажала како добар пријател“ кон САД.

Брансон во Турција е обвинет за учество во неуспешниот пуч во таа земја во 2016 година и во моментов се наоѓа во куќен притвор. Тој бил во Турција повеќе од две децении.