САД првпат гласаа против осуда на Израел

121

САД првпат гласаа против резолуција на Обединетите нации со која се осудува израелската окупација на Голанската Висорамнина.

– Иако резолуцијата е усвоена во Генералното собрание на ОН со 151 гласа „за“ и само два „против“, американскиот став претставува измена на политиката, која би можеле да има последици во иднината – се дел од коментарите во израелските медиуми.

САД претходно се воздржуваа од гласање за таков документ.

Другата земја која гласаше против резолуцијата беше Израел.

Израелските лидери лобираат во администрацијата на претседателот, Доналд Трамп и во американскиот Конгрес, САД да го признаат суверенитетот на Израел над стратешки важната Голанска Висорамнина.

Американската мисија во ОН на Твитер објави дека „САД повеќе нема да се воздржува кога ОН ќе се занимава со бескорисното годишно гласање за Голанска Висорамнина“.

– Резолуцијата едноставно е против Израел, во петок ќе гласаме не – напиша на Твитер Американската мисија во ОН.

Владата на Израел и се заблагодари на администрацијата на САД, како и на амбасадорката на САД во ОН, Ники Хејли.

Во соопштението на САД се наведува дека поради тензичноста на сириската граница нема оправдување за поддршката на таков чекор и дека „злосторствата (на сирискиот режим) докажуваат недостиг на способност да се владее со кого било“.

– Таквата резолуција не придонесува ништо да ниту една страна се приближи до мировниот договор – се наведува во соопштението.