Русија распореди хеликоптери во северна Сирија

150

Русија распореди воени хеликоптери за патролирање во областа близу сириската граница со Турција за да помогне во заштитата на руската воена полиција што работи на терен.

Москва ќе ги распореди своите хеликоптери долж неколку патролни рути на висина од 50-60 метри. Летовите ќе се извршуваат секојдневно долж сите патролни рути – изјави рускиот воен пилот Дмитриј Иванов, пренесува „Ројтерс“.

Турските и руските сили заеднички патролираат во североисточна Сирија за да го надгледуваат договорот постигнат меѓу Москва и Анкара, откако Турција започна офанзива во областа пред еден месец против курдските сили кои ги смета за закана за нејзината безбедност.