Русија подготвена да учествува во разговорите за разрешување на кризата во Венецуела

75

Руското Министерство за надворешни работи во понеделникот рече дека Москва е подготвена да ја одигра улогата во разговорите меѓу владата на Венецуела и опозицијата во Осло, ако учесниците сметаат дека тоа ќе биде од корист.

Норвешка во саботата рече дека претставниците на владата и опозицијата на Венецуела ќе се вратат во Осло по првичниот круг прелиминарни разговори за справување со политичката криза во земјата.

Руското Министерство за надворешни работи во изјавата го поздрави фактот дека разговорите продолжуваат, но предупреди против какви било надворешни влијанија за наметнување ултиматуми врз владата на Венецуела.