Радиоактивната вода од Фукушима ја става Јапонија на тежок испит

80

Огромни количини на радиоактивна вода што се чуваат во јапонската нуклеарна електрана Фукушима, би можеле да бидат пуштат во морето според плановите што привремено ги прифати jапонската влада.

Компанијата „Токио Електрик“ собрала скоро 1,2 милиони тони контаминирана вода од цевките за ладење што се користат за да не се стопат јадрата на горивата, бидејќи фабриката беше уништена од земјотресот и цунамито што ја погодија источна Јапонија во 2011 година.

Водата, во која има 62 радиоактивни елементи, се чува во огромни резервоари на местото на онеспособената централа, но „Токио електрик“ соопшти дека ќе остане без простор за складирање на водата до 2022 година.

Водата се пречистува, а компанијата информира дека е во состојба да ги отстрани сите радиоактивни честички од водата до нивоата што не се штетни за луѓето, освен тритиум, изотопот на водород кој многу тешко се издвојува од водата.

Група на експерти кои работат за јапонското министерство за економија и индустрија заклучија дека пуштањето на водата во морето е најдобрата опција откако ги разгледале другите предлози. Единствената друга оддржлива опција што се разгледува е да се пушти водата да испарува.

Во својот предлог Министерството соопшти дека контролираното испуштање во морето е најдобра опција поради предвидливоста на трасата и полесно е за земање мостри и самиот мониторинг.

„Во споредба со испарувањето, ослободувањето на океанот може да се направи побезбедно“, објаснуваат од групата на експертите, укажувајќи на вообичаена практика низ целиот свет каде нуклеарните централи што работат под нормални услови рутински пуштаат вода што содржи тритиум во море.

Но, одлуката ќе ги вознемири соседните земји и се случува непосредно пред одржување на Олимписките игри во 2020 година на кои Јапонија е домаќин, посебно што некои настани треба да се одржат на помалку од 60 км оддалеченост од страницата Фукушима.

Рибарите и жителите, исто така, се плашат од негативни ефекти врз здравјето по ослободување на радиоактивната вода, како и штетите што можат да се одразат врз индустриите во регионот и неговиот имиџ.

Експертите велат дека не постои утврден метод за целосно одвојување на тритиумот од водата, но тој не претставува проблем кога е во мали количини. Владините претставници додаваат дека тритиумот рутински се ослободува од постоечките нуклеарни централи ширум светот.

Во извештајот се потврдува дека ослободувањето на вода ќе им наштети на индустриите кои сè уште се соочуваат со недоволно информирани потрошувачи и покрај безбедносните мерки. Исто така се ветува засилено следење на нивото на тритиум, како и проверки на храната.