Пресметка со шверцери на дрога во Европа, уапсени 22 лица

40

Во координирана операција против шверц со дрога ширум Европа, 22 лица беа уапсени, соопшти „Европол“.

Според„Европол“, осомничениот водач на синџирот шверцери, 48-годишниот Летонец, бил уапсен во Шпанија.

Другите беа уапсени во Полска, Литванија, Шпанија и Велика Британија, објави „Ројтерс“.

„Европол“ истакнува дека ова е најголемата операција од ваков вид во која беа пребарани 40 куќи на 15 и 16 мај.

Беа запленети осум милиони евра, дијаманти, златни полуги, накит и луксузни автомобили.