Поплавите во Јапонија однесоа стотина жртви

70

Поројните дождови и поплави кои ги зафатија западните делови на Јапонија однесоа стотина животи, а десетици лица се водат како исчезнати.

Јапонските власти велат дека интензитетот на дождовите е намален денеска, што им овозможува на спасувачките екипи да ја засилат потрагата по исчезнатите.

Но, метеролозите предупредуваат на нова опасност од топлотен бран кој се движи кон овој дел на земјата.

Над 10.000 лица се уште се без струја, и во опасност од топлотен удар во неразладените домови, а десетици илјади се без вода за пиење.