Повеќе од 200 лица обвинети за насилствата во Вашингтон

38

Федералното судство на САД обвини повеќе од 150 лица за вмешаност во насилствата во Капитол Хил во Вашингтон на 6 јануари. Уште 50 лица се обвинети пред локалните судови во главниот град на САД, изјави федералниот обвинител Мајкл Шервин.

Истражителите имаат информации за околу 400 учесници во инцидентот, во приврзаници на поранешниот американски претседател Доналд Трамп насилно упаднаа во Капитол Хил за да се спречи изборот на Џо Бајден. Пет лица настрадаа за време на нападот на американскиот Конгрес.