Опасност од ерупција на вулканот Гримсвотн на Исланд

86

Научниците на Исланд го подигнаа нивото за закана од ерупција на вулканот Гримсвотн, предупредувајќи дека постојат повеќе индиции дека наскоро би можело да дојде до тоа.

Овој вулкан во 2011 година имаше силна ерупција исфрлајќи голема количина пепел во атмосферата. Облакот од пепел достигна висина од 20 километри и го поремети авио-сообраќајот.

Една година претходно, во 2010 година се случи и ерупција на вулканот Ејафјалајокул, која принудно откажа околу 100.000 летови.

Неодамна е забележана нова магма во коморите на вулканот Гримсвотн, како и зголемување на термичката активност и топењето на мразот. Локално, активноста на земјотресот исто така се зголеми, и сè укажува на тоа дека наскоро може да дојде до ерупција.

Сепак, научниците наведуваат дека постои мала можност за повторување на ерупција со слична големина од 2011 година.

Вулканот Гримсвотн е скриен под ледениот штит, со само еден стар гребен на неговата јужна страна. Гримсвотн има околу 65 ерупции во изминатите 800 години, што го прави најактивен вулкан во земјата.