ОН: Велика Британија да го врати островот од кој го протера населението

289

Генералното собрание на Обединетите нации побара од Велика Британија во рок од шест месеци на Маврициус да му го врати архипелагот Чагос, каде што се наоѓа британско-американска стратешка воена база.

ОН ја изгласа резолуцијата на иницијатива на Маврициус. Таа не е обврзувачка, но има политичка вредност. „За“ гласале 116 земји, шест гласале „против“, меѓу нив и САД, а 56 биле воздржани.

Архипелагот Чагос се наоѓа во центарот на повеќедецениски спор по британската одлука од 1965 година да го раздвои архипелагот од Маврициус и да постави воена база заедно со САД. Велика Британија протерала околу две илјади луѓе од Чагос во Маврициус и Сејшелите во текот на 60-ите и 70-ите години за да направи место за воена база.

Маврициус стекна независност од Велика Британија во 1968 година и од тогаш бара да му биде вратен архипелагот.

Британското Министерство за надворешни работи соопшти дека не го признава суверенитетот на Маврициус над Чагос и дека стои зад веќе кажаниот став дека ќе ѝ го врати архипелагот на оваа држава кога повеќе нема да биде потребен за одбранбени цели.

-Заедничката британско-американска база ѝ помага на Британија и на светот во борбата против тероризмот, организираниот криминал и пиратите, тврди Лондон.