Обама ги повика граѓаните да се мобилизираат за изборите во ноември

68

Поранешниот американски претседател Барак Обама ги повика синоќа граѓаните на Калифорнија да се мобилизираат за изборите и да и ја дадат власта во Конгресот на Демократската партија.

Тој ја отфрли политиката на страв на актуелниот претседател Доналд Трамп, без да го именува.

– Се наоѓаме пред тежок момент, истакна Обама пред избирачите во Анахајм, кој е традиционално републикански реон во државата Калифорнија, а обично ја освојуваат демократите.

Тој нагласи дека на изборите кои ќе се одржат во ноември „имаме можност да вратиме малку здрав разум во нашиот политички живот“.

– Ако сега не одговориме, работите можат да се влошат. Најголемата закана за нашата демократија не е еден човек, туку апатијата и индиферентноста, предупреди поранешниот претседател на САД.