На ЕУ ѝ претстојат тешки одлуки за Турција

163

Европската унија (ЕУ) ќе мора да донесе „тешки одлуки“ во врска со Турција, изјави денеска шефот на европската дипломатија Жозеп Борел.

На крајот на август Борел и се закани на Турција со нови санкции доколку нема напредок во дијалогот со Грција за решавање на кризата во Средоземното Море.

Атина и Никозија ја осудуваат Турција што бара наоѓалишта на нафта и гас во нивните води, додека Анкара наведува дека на ресурсите во тие води ги има истите права како и тие.

Борел им порача на членовите на Европскиот парламент дека затоа дојде време лидерите да донесат тешки одлуки на самитот на 24 и 25 септември.

Тој додаде дека сè уште не постои договор за воведување санкции против Турција.

Одлуката за санкции против трета земја бара едногласна поддршка од членките на Унијата.