Над илјада лица приведени по протестите во Египет

47

Египетските власти уапсија повеќе од 1.100 луѓе, по протестите овој викенд во неколку градови од каде беше побарана оставка на претседателот Фатах ал-Сиси, соопштија организациите за човекови права. Меѓу уапсените се и некои истакнати опозициски фигури, портпарол на кандидатот за претседател на минатогодишните избори и познат писател.

Спротивно на забраната за собири без дозвола од владата, стотици лица излегоа на улиците на Каиро и другите градови во петокот во знак на протест против корупцијата. Протестите продолжија во саботата на брегот на Црвеното Море.