Макрон со ист став за состојбата на НАТО

298

Францускиот претседател, Емануел Макрон, го повтори ставот дека НАТО е во состојба на мозочна смрт на разочарување на членките на алијансата пред самитот во Лондон.

– Сè уште мислам така – рече Макрон на заедничката прес-конференција со американскиот претседател, Доналд Трамп.

Неколку часа претходно Доналд Трамп рече дека ставот на Макрон е многу навредлив за алијансата, која утре одбележува 70 години постоење.

Макрон во ноември изјави дека НАТО е во состојба на мозчна смрт објаснувајќи го тоа со намалениот американски ангмажман и однесувањето на Турција.

Францускиот претседател изјави денеска дека Турција понекогаш соработува со посредниците на Исламската држава на Ирак и Левант (Исламската држава) додавајќи дека на Турција сè уште ѝ се забележува затоа што се бори против курдските борци во северна Сирија бидејќи, како што рече, овие борци помагаат во борбата против џихадистите.

– Турција се бори против оние што се бореа заедно со нас. И понекогаш соработува со посредниците на ИД – рече Макрон.