Макрон бара нови разговори со претставниците на „жолтите елеци“

67

Францускиот претседател Емануел Макрон вчера побара од премиерот Едуард Филип да се сретне со лидерите на најголемите политички партии и претставниците на движењето „жолти елици“, кое ги организираа протестите поради зголемување на цените на горивата, со цел да се изнајде излез од актуелната криза.

Тој во исто време од министерот за внатрешни работи Кристоф Кастанер побара да размисли за „измени“ на безбедносните процедури.

Средбата на премиерот Филип со претставници на „жолтите елеци“ минатата недела не беше реализирана откако беше одбиено барањето на Движењето разговорот да се емитува во живо.

Според полицијата во протестите во саботата повредени се 133 лица, од кои 23 полицајци, запалени се шест згради, 130 барикади и 112 автомобили. Во притвор задржани се 378 луѓе, од кои 33 се малолетни лица.

„Жолтите елеци“ се симбол на истоименото движење кое организира протести ширум Франција поради зголемување на данокот на горивата.