Локален функционер уапсен за нападот врз Конгресот

80

Министерството за правда на САД објави дека е уапсен функционер од сојузната држава Ново Мексико во врска со нападот на Капитол на 6 јануари, по што тој изјавил дека има намера повторно да оди во Вашингтон со огнено оружје во знак на протест против инаугурацијата на Џо Бајден.

Куој Грифин, окружен комесар во Ново Мексико и основач на група наречена „Каубои за Трамп“, беше меѓу илјадниците кои упаднаа во Капитол обидувајќи се да спречат Конгресот да ја потврди победата на демократот Бајден над републиканскиот претседател Доналд Трамп. Тој застана на скалите на зградата, но не влезе во неа.

Властите соопштија дека тој се вратил во Ново Мексико по бунтот, каде на 14 јануари на состанокот на Советот на округот Отеро изјавил дека планира да се врати назад во Вашингтон со пушка и револвер во знак на протест против инаугурацијата на Бајден оваа среда.Тој е обвинет затоа што влегол нелегално и останал во забранетата област.