Либискиот воен лидер Хафтар прифати примирје без да потпише договор

122

Либискиот воен лидер Калифа Хафтар прифати прекин на огнот, рекол германскиот министер за надворешни работи, Хајко Мас, по состанокот со бунтовничкиот либиски генерал во Бенгази.

– Прифати да го почитува прекинот на огнот иако не го потпиша договорот на почетокот на неделата во Москва. Тоа е многу важно – рекол Мас.

Мас се сретна со Хафтар денеска кога средбата меѓу либискиот воен лидер и неговиот главен противник, премиерот Фајез ал-Сераџем, во Москва претходно оваа недела заврши со непотпишување договор за прекин на огнот.

В недела во Берлин треба да се одржи меѓународна конференција за Либија, која на маса треба да ги седне Хафтар и Ал-Сераџем.