Курц се врати на власт

153

Новата австриска влада на канцеларот Себастијан Курц, составена од австриската народна партија (ОВП) и Зелените, денеска положи заклетва и стапи на должност.

Точно 100 дена по предвремените парламентарни избори, Австрија доби нова влада од која, како што рече претседателот Александар ван дер Белен, граѓаните имаат големи очекувања.

Настаните од мај до денес, од аферата со корупција „Ибица“ и падот на владата, според Ван дер Белен, покажале дека демократијата во Австрија е жива и има моќ за обновување. Тој истакна дека очекува новата влада да работи одговорно во корист на земјата и ги повика членовите да останат во дијалог со сите партии и граѓанското општество.

Канцеларот Курц, кој вторпат ја предводи владата, е повторно најмладиот државник во светот.

Ова е инаку влада со најголем процент жени, односно повеќе од 53 проценти од вкупниот број на министри се жени.