Караницата околу „невестата на Исламска држава“ ја собори норвешката влада

117

Норвешката коалициска влада падна откако популистичката десничарска Напредна партија се повлече од неа поради спорот околу осомничената поддржувачка на ИС која е вратена од Сирија.

Лидерката на Напредната партија, Сив Јенсен, ја објави одлуката откако разговараше со раководството на нејзината партија и премиерката Ерна Солберг.

Осомничената поддржувачка на Исламска држава, жена родена во Пакистан, беше вратена во Норвешка со своите две деца.

– Можевме да примиме деца, но не правиме компромис со луѓето кои учествуваа во терористички организации – рече Јенсен на прес-конференција.

Владата ја одобри репатријацијата на три лица од бегалскиот камп „Ал-Хол“ во Сирија, донесувајќи одлука базирана на информации дека едно петгодишно момче е многу болно.

Јенсен исто така рече дека нејзината партија смета дека направила премногу компромиси.

Таа додаде дека верува оти Солберг ќе остане како премиерка.