Иранската гарда потврди дека одржале вежби во Заливот

102

Иранската револуционерна гарда потврди денеска дека одржала воени вежби во Заливот во изминатите денови со цел да се соочат со можни закани од непријател.

– Вежбите беа извршени со цел контрола и заштита на меѓународни водени патишта и во рамки на програма на годишни вежби на Гардата – изјави портпарол на Иранската револуционерна гарда.

Командантот на Гардата, Мохамед Али Џафари изрази задоволство поради успешно извршените вежби и нагласи потреба за одржување и унапредување на одбранбената подготвеност во Заливот и протокот Ормус за да се одговори на закани на потенцијален непријател. Американските власти наведоа во четвртокот дека во вежбите учествувале повеќе од 100 бродови.