Израел се откажа од борбата за непостојан член во Советот за безбедност на ОН

278

Израел се повлече од трката за непостојан член на Советот за безбедност на ОН со мандат од две години, почнувајќи од 1 јануари 2019 година, јави ДПА.

„По консултациите со нашите партнери, вклучувајќи ги и нашите добри пријатели, Државата Израел одлучи да ја одложи својата кандидатура”, се вели во соопштението на мисијата на земјата во ОН.

По повлекувањето на Израел, кандидати за двете места резервирани за групата „Западна Европа и други”, остануваат само Германија и Белгија.

Советот за безбедност се состои од пет земји – постојани членки (Кина, Франција, Русија, Велика Британија и САД) и 10 непостојани членки, кои се бираат по регионален принцип.

Израел никогаш не бил член на Советот за безбедност.