ЕП со нов повик до Закерберг да сведочи за скандалот со Кембриџ Аналитика

781

Претседателот на Европскиот Парламент, Антонио Тајани, му испрати официјално писмо на Марк Закерберг повикувајќи го да сведочи за скандалот со Кембриџ Аналитика.

Тоа е втор јавен повик до сопственикот на социјалната мрежа Фејсбук да дојде во Брисел да сведочи пред европратениците.

Тајани првпат му испрати писмо на Закерберг на 20-ти март, но тој предложи да го испрати својот заменик-претседател за надворешни работи, Џоел Каплан.

-Сите политички групи истакнаа дека вашето лично присуство е апсолутно потребно – му напиша Тајани на Закерберг.

Над два милиона европски граѓани се засегнати од злоупотребата на лични податоци од страна на Кембриџ Аналитика преку Фејсбук. Закерберг веќе сведочеше пред американските пратеници.