Евакуиран дел од аеродромот во Франкфурт поради полициска акција

91

Делови од аеродромот во Франкфурт се евакуирани и запрено е качувањето на патниците во авионите, затоа што „најмалку едно неовластено лице влегло во безбедносната зона“, соопшти портпаролот на германската федерална полиција Реза Ахмари.

Како што јави ДПА, Ахмари нагласи дека во тек е полициска проверка на сите лица во безбедносната зона.

Аеродром Франкфурт ДПА

Претходно, германската полиција на Твитер објави дека „на Терминалот 1 на аеродромот во Франкфур во тек е полициската операција, во чии рамки е запрено качувањето (во авионите) и се врши проверка на нивоата 2 и 3 во безбедносната зона“.

Авиокомпанијата „Луфтханза“ на Твитер го потврди блокирањето на аеродромот, нагласувајќи дека засега не може да соопшти колку летови ќе бидат откажани.

Аеродром Франкфурт ЕПА

Аеродромот во Франкфурт е најпрометниот во Германија, со 64,5 милиони патници во 2017 година. 

Минатиот месец полицијата го блокираше и евакуираше Терминалот 2 на аеродормотѕ во Минхен, откако 40-годишна жена минала низ зоната за проверка без да помине преку безбедносниот скенер. Поради овој инцидент беа откажани речиси 330 летови со над 32.000 патници.