Евакуација во Индонезија по вулканска ерупција

80

Вулкан во источна Индонезија, кој избувна во неделата, исфрлајќи пепел на 4.000 метри, ги принуди локалните жители да се евакуираат. Евакуирани се околу 2.800 луѓе од најмалку 28 села во близина на вулканот Или Левотолок, изјави Радиа Џати, портпарол на Министерството за вонредни ситуации. Не е пријавен ниту еден случај на настрадан или повреден, објави „Ројтерс“.

Министерството за транспорт издаде соопштение авионите да ја заобиколуваат областа, а локалниот аеродром е затворен бидејќи пепелот паднал врз зградата и пистата.

Ерупциите на вулканот започнаа во октомври 2017 година. Тој е висок 5.423 метри и е еден од 120-те активни вулкани во Индонезија.