Активизмот ја доближува Грета Тунберг кон Нобеловата награда

100
Грета Тунберг

По инспирирањето илјадници луѓе од целиот свет да протестираат против климатските промени, шведската тинејџерка Грета Тунберг стана фаворит за добивање на Нобеловата награда за мир во 2019 година, пренесува водечката британска обложувачница „Ледброкс“.

Тунберг, која се појави на глобалната сцена со организирање училишни протести поради недостиг на активности во борбата против климатските промени, има најголеми шанси да ја освои престижната меѓународна награда со коефициент од 5/2 (за две вложени евра се добиваат пет), според „Ледброкс“.

Ако ова 16-годишно девојче ја освои наградата, таа ќе биде најмладата добитничка на Нобеловата награда за мир.

Титулата на најмлада добитничка во моментот ја има пакистанската активистка Малала Јусуфзаи, која ја доби наградата во 2014 година на 17 години.