Граната фрлена во прифатилиште за деца бегалци во Мадрид

28

Единицата за експлозиви на мадридската полиција деактивираше граната која вчера некој ја фрлил преку ѕидот на Центарот за грижа за деца мигранти.

Гранатата била пронајдена вчера наутро, на локација во центарот на Мадрид, во областа Хорталеза.

Полицијата соопшти дека станува збор за граната што содржи мала количина експлозив и често се користи во вежби.

По евакуацијата на детскиот центар за бегалци, специјална единица извршила контролирана експлозија.

Во центарот за деца бегалци во Мадрид има десетици малолетни лица, пренесуваат светските медиуми.

Шпанските власти информираа дека го истражуваат инцидентот.