Воени офицери уапсени под обвинение за обид за пуч во Венецуела

535

Венецуелските власти уапсија 15 офицери на Вооружените сили на Венецуела, под обвинение дека подготвувале „воен заговор“ против Владата на претседателот Николас Мадуро.

Како што јави ДПА, Мадуро, кој вчера положи заклетва за почеток на неговиот нов претседателски мандат, соопшти дека биле откриени подготовки за заговор, „финансиран, поттикнуван и охрабруван од САД“.

– Нивна крајна цел била извршување на државен удар, изјави Мадуро, додавајќи дека водачот на „заговорниците“ побегнал во Колумбија.

Станува збор за 15 офицери на Воената морнарица, Военото воздухопловство и Националната гарда, кои биле уапсени изминатаве неколку недели.