Влегувањето на Хафтар во Триполи би било кошмар

235
Халифа Хафтар не се откажува од офанзивата врз Триполи

Одметнатиот либиски генерал Халифа Хафтар сметаше на поддршката на Египет од почнувањето на офанзивата врз Триполи во април минатата година, додека соседите на запад – Алжир и Тунис, се одлучија на поинаква стратегија. Тие две држави заземаа строга неутралност во либискиот конфликт што трае безмалку една деценија, противејќи се на странското мешање, пишува „Ал џезира“.

Но, Тунис и Алжир стравуваат оти долгата битка за Триполи би можела да предизвика нестабилност во регионот.

– Ако Хафтар ја пробие блокадата и влезе во Триполи, тоа ќе принуди голем број на цивили да избегаат во Тунис и ќе предизвика нестабилност. Тоа ќе биде кошмар – вели аналитичарот Карим Мегран. 

Ескалирањето на конфликот не може да се случи без Тунис и Алжир, и покрај тоа што во битката за Триполи се вклучија голем број на странски платеници.

– Алжирската војска со својата моќ ќе ги спречи странските сили да почнат големи воени операции во Либија – алжирскиот безбедносен експерт Акрам Кариф.