Бројот на жртви во пожарот во студиото во Јапонија се искачи на 23

58

Бројот на жртви во подметнатиот пожар во познатото јапонско студио за анимација во Кјото порасна на 23, објави Би-би-си. Постои сомнение дека уште 18 лица останале заробени во огнената стихија.

Локалните медиуми објавија дека 35 лица се повредени, од кои 10 се здобиле со тешки повреди.

Уапсен е осомничениот 41-годишен маж. Се претпоставува дека тој истурил бензин во зградата на „Кјото анимејшн“ и го запалил. Полицијата соопшти дека и тој е меѓу повредените. Очевидци велат дека го слушнале мажот како извикува „Умрете“ додека го истурал бензинот.

Засега не е позната неговата поврзанот со компанијата. Според неофицијални сознанија, тој не е поранешен вработен во студиото.

Во моментот кога избувнал пожарот во зградата имало многу луѓе. Најпрво беше јавено дека настрадало најмалку едно лице, по што бројот се искачи, прво на 12, а потоа на 23.

Мотивите за пожарот засега не се познати.