Британски актер застрелан на улица во Единбург

56

Британскиот глумец и поранешен боксер Бредли Велш, познат по филмот „Трејнспотинг 2″ (Trainspotting 2), загина на 42-годишна возраст. Тој бил застрелан со огнено оружје во главата на улица во западен Единбург.

Полицијата ја потврди смртта на актерот, истакнувајќи дека истрагата е во тек.

Пукотниците се пријаввени синоќа околу 20.00 часот по локално време. На местото веднаш пристигнале специјалци и возила на Итна помош, но Велш починал пред да биде одведен в болница.

Во младоста, Велш бил истакнат фудбалски навивач, а 1993 година станува британски аматерски шампион во бокс, во лесна категорија. Актерското деби го има во епизода од документарната серија „Дени Дајер: Најстрашните мажи”, посветена на познати боксери и борци.

Бил иницијатор и на добротворни проекти за младите во Единбург, со акцент на психо-физичкото здравје и рамноправноста.